قصيدة اكثر من روعة للشاعر السعودي مانع الخالد

مريم شمال الخارطه تسكن هناك

باقصى الشمال وصعب مثلي يطوله

مريم حقيقة حلم وشلون ابا القاك

وانتي عيونك من نظرها بطوله

مريم تعبت امسحك واكتبك واقراك

مريم تعب هذا الكهل من طفوله

مريم عشقتك حلم وشلون ابنساك

وانتي بنيتي داخل الروح دوله

شفتك سفر والتذكره ليل فرقاك

عشتك منافي وعشقتنا فصوله

عطشى العروق ولا لقت مورد لماك

حتى سحابك مارجينا هطوله

مريم حياتي جاوبيني انا افداك

ليه السكوت اللي غزتني خيوله

قولي احبك قولي اكرهك ماهواك

بس انطقي راضي بشي(ن) تقوله

مريم وهذي صورتك كنها اياك

قدام عيني وسط روحي نزوله

سكنتها واستوطنت بي محياك

حتى نشف دم الجسد من نحوله

ادري بأنك لي امل مات مارجاك

قبل اعرفك مات الامل يالخجوله

مريم وصوره والف معنى لمسراك

انتي رساله والمشقى رسوله

مريم شمال القلب هي ساكنه هناك

كل مانبض قلبي تمنيت زوله

والله مادري وش أقـولك ياتاج

قصيده تجنن وربي ياسلااااااااااااااام عليك ياتاج الناس

بسراااااااااااااحه كبرتي بعيني أكبر وأكبر وأكبر ...........

هذا بعد والقصيده مو لك ،،

بس يكفي أني قريتها من قلمــك ياأحلى تااااااااااج

برجع أقرااااااها لين أدوووووخ :hands

تاج الناس ..

الله عليك على هذا النقل

ماشالله عليك وعلى ذوقك

صح لسانك ولسان قائل القصيده

وكم نحن فخورين بتواجدك بيننا وبمواضيعك المميزه والاكثر من رائعه

اتمنى لك التوفيق

ودمتي لنا بكل خير ؛

اخي سلطان تسلم من ذوقك
اخوي نايف وانا بعد يشرفني اني اكون بينكم بمشاركاتي البسيطة والله يعطيك العافية

السلام عليكم ورحمة الله وبركاته

أختـــــــــــي في الله تاج الناس

اختيار موفق..... من تاج الناس..
وانتقاء مميز....... من تاج الناس..
وعرض جميل...... من تاج الناس..
سلمتي يا أختي.... الغاليــــــــــة...
ويسلم الشاعر على هذه الكلمات الروعة..

ملاحظــــــــــــة!!!

الصراحة.......... شكيت فيك يا تاج..
لا يروح فكرك بعيد..

هذا ثاني موضوع تعرضيه لنا .... عن (مريم)..
هاااااااااا شوووووووووو
أكيد هذا اسمك.....
كشفناك.......... ولا تحاولي... تهربي.....
وعالعموم..... لا تقولين لأحد... إني كشفتك
وعني أنا السر في بير....:p

وجزاك الله خيرا
وبارك الله فيك
ودمت بعز الله

أختك في الله
شوك الأسى
عاشقة الجنة

قصيدة رائعة
وأختيارك المميز دليل على ذوقك الرفيع
أتمنى ماتبخلي علينا بمشاركاتك الأدبية الجميلة

اختي شوك الاسى
ياربي وين اودي وجهي منك
حدي خجلانة من كلماتك الرقيقة
وبالنسة لسرنا خليه في بير http://smilies.sofrayt.com/aiw/pilot.gif



اخوي الغالي
اكثر ما يشرح صدري لما انزل اي موضوع هو تواجدك فيه
الله يعطيك العافية

وش قصتك ويا مريم...؟!!!!


هههههههه..


تحياتي لك اخوي

القصيدة جميلة
وأكثر من جميلة
وأشكر
كاتبها مانع الخالد
وناقلها تاج الناس

على هذا الذوق الرفيع

مشكوووووووووووور

تسلمون والله على هالتفاعل
قصيدة ولا في الاحلام