هذه قصيده للشاعر / متعب التركي



حسي .. بلوعات الليالي والاحزان= بعدين حسي .. بالهوى لابغيتي
وش به يهمك لو يقولون .. زعلان = لو فيك ذره .. من غلاء .. ماجفيتي
ياللي تقولين الخطأ .. زلت لسان = في زحمت الايام .. ليه اختفيتي ؟؟
خطاي وان جه .. مادري الذنب وش كان = ليه انتهى .. ذاك الغلاء ؟؟ وانتهيتي !!
وقفت في وجه الزمن .. قدر الأمكان = وانتي جنح فيك الخيال .. وغفيتي
غلطان انا .. في كل الأحوال .. غلطان = أسرجت لك خيل القصيد .. وسريتي
جيتي .. وقلت .. الجرح يوم اقبلت هان = وانتي .. على الجرح القديم .. ارتكيتي
قلتي لي ان الحب .. ملزوم .. ينصان = واليوم .. ماكنك دقايق .. هويتي
شافوك حساد الهوى شوف الاعيان = يومك .. على رجم القصايد رقيتي
مابان شي .. ولا بقا شي .. مابان = بس انتي اللي .. غافله مادريتي
العام .. لك طاري بقلبي .. ولك شان = واليوم .. احس بغلطتي لا طريتي
وان قدر المولى .. وعشتي بحرمان = ومن حر .. لوعات التجافي بكيتي
تذكري .. قلب ً .. له سنين شفقان = شوفي بحقه .. ياكثر ماخطيتي
كل القصيد اللي اقوله .. على شان = تهزك الذكرى .. عقب مانسيتي

العام .. لك طاري بقلبي .. ولـك شـان
واليـوم .. احـس بغلطتـي لا طريتـي

نعم
صح لسان الشاعر و الناقل
روعه.

الله يعطيك العافيه على هذا النقل.

تحياتي ,,,,,

تحالف 3 ..

اشرقت هذه الصفحه بتواجدك

صح بدنك والله يعافيك