ابوح للدنيا بتساؤلاتي
علها تسمعني
أو تحس بي


ابســــــألــك..
ليــــش الأمانة بالقلوب في زماننا تحتضر
وليــــش المحبة والمودة تنداس بأقدام البشر
وليــــش الصداقـــة ذابلة ومن الخيانة لا مفر
ولامن زرعــت الخيـــر في الدنيا يحاصرك الخطر

ابســـألك..

ليــــش ما للحب طعم أو سعادة وأمنيات
ليــــش نبني قلوب عشق مظلمات خاليات
ليــــش ما نروي المشاعر العطاشى الظاميات
ليــــش ما نقضي بألم كل القلوب الخاينه
حتى الممات

ابســـألك..

ليــــش نلقى في زماننا جروح وأحزان وهموم
ليــــش التفاؤل والفرح يبقى ثواني ما يدوم
ليش العيون الخايفة
وبعض المشاعر زايفة

ابســـألك..

ليــــش دايم ننتظر
لين آخر هالعمر
حتى الصبر
مل واختار السفر
وما بقى إلا الهموم
مكتوبة لك طول الدهر

ابســـألك..

دامك الدنيـــا..ابسألك
يمكن ألقى منك جواب
أو يمكن بس أفهمك
أني تعبت من الهموم
وكل جرح من جروحي يعلمك
انه تعود علـى العذاب

ابســـألك..

ليــــش في كل ابتسامة ألقى قدامي دموع
وكل دمعة من دموعي تطفي شمعة من الشموع
وليــــش أرحل دام همي هو همي
ما يتغير وما يزول
حتى لو حل الفرح هو ثواني ما يطول

ابســـألك..

دامك الدنيا
أكيد عندك جواب
لكل سؤال وكل عتاب

ابســــــألــك..
فهميني..

بس سؤال وصارحيني
كل الناس مثلي
أو أنا وحدي
همومي تسري فيني ؟

جاوبيني.. يا دنيا
كأنك تعرفين الجواب

__________________


قلبي صحن دش وعيونك عربسات

والبث حي مباشر من شفاتك

سلكي ولاسلكي وعبر المسافات

يسري اثيرك في فضاي وصفاتك

القلب مخرج والمشاعر مذيعات

والشوق مبعوث مراسل لذاتك

ارسال متواصل على خمس فترات

ينقل وقايع ما يصير بحياتك

صورتك في فكري على سبع شاشات

وافضل برامج سهرتي ذكرياتك

وارسال حسادك قطعتة عن السات

بدلت كيبلهم بكيبل غلاتك