قرأت قبل فترة قصيرة قصيدة لأحد شعرائنا يتغزل فيها بالجمال في إحدى
الدول العربية الشقيقية وأردت أن أكتب مقالة حول هذا الموضوع، لكني وجدت أن
الشعر سبق حروفي بغيرتي على كل ما هو لـ .. ومن.. وفي.. هذه الأرض الأصيلة
حتى في عراقة الجمال فيها.

يابن الحلال إن طعتني خل الاسراف

واترك جمال الغيد لاهل البصيره

الزين مو بس الملامح والاوصاف

الزين روح وعفه وطيب سيره

مانيب من يهوى (سُريا وإنصاف)

أنا هواي وبس بنت الجزيره

بنت الخليج اللي تماري بالأعراف

وحنـّا نماري باسمها كل ديره

مالي غرام بقول وخّا وبالزاف

إذبحني عند الطرحه المستديره

أحب قولة يا هلا وعلّ ما خلاف

من بنت ثوبي بنت الارض النضيره

اللي تحلاها الظبي حلو الاطراف

جمال في عفّه ورقه وغيره

واللي بها سحرٍ مهو سحر عراف

ياعلّ عينٍ ما تراها ضريره

عطف وحنان وذوق في لين الاعطاف

والى كشف لثامها شفت أميره

صعبه على اللي بالردى شاف ماعاف

وحلوه على اللي سنه الله ضميره

شمسٍ الى من أشرقت والدجا طاف

غابت نجومك غصب لو هي كثيره

السيف ما يزهى سوى كف سياف

والخيل دون حصانهامستخيره

بس أنت دوّر لك على قدّك لحاف

وإن طعتني دور بدلناعشيره


طـــلال العبدالعزيز الرشــــيد