ما عاد لي بالحب يا صاحبي شَف .. مادام درب الحب كذب وتعاسة
ركبت أنا النسيان ودقيت أنا سلف .. تركت درب الحب لأهله وناسه
عفت البنات اليوم و غضيت أنا الطرف.. عنهن مدام القلب زاد احتراسه
ورد الهوى والحب في خافقي جف .. وجفت عروق القلب من زود يأسه
شفت الشقا والضيم حتى العقل خف .. وتعقدت دنياي عقب الوناسة
لفتني الأيام في ظلمها لف .. عفت الونس والضحك عفت الدراسة
امشي و أشيل هموم قلبي على الكف.. قلبٍ مريضٍ حيل والحب حاسه
نزفت أنا الأبيات من خافقي نزف .. عل القصيد اليوم يقوي باسه
أول غرامي عام أربع ميه وألف.. وأنا صغير السن سهل افتراسه
وآخر غرامي يوم أصبحت أنا صلف.. لكن مثل ما كنت مامن فراسه
ياما سمعت أوعود وعهودٍ وحلف.. غدت تراب رخيص سهلٍ مداسه
وان قلت أنا للحب تف وبعد تف.. عذري معي والحب يأمر كأسه
ياما بدرب الحب ولفٍ حضن ولف.. لكن بوسط القلب غل ونجاسة
يا مقبل للحب وش ترتجي ؟ قَف .. ما في دروب الحب غير التعاسه


قصيده وصلتني عبر البريد
اجهل من هو صاحبها
عذرا

مالي تعليق سوا انك ابدعت باختيارك للقصيدة
ومسألة كرهك للبنات هذا شي معروف منك من ايام الثانويه

وصدقت بهالبيت ...
يامقبلٍ للحب وش ترتجي ؟ قَف .. مافي دروب الحب غير التعاسه.........

تحياتي

اخوي الفهد

اولا هههههههههههههههههههههههههههه ردك رهيب
و ثانيا ما عليك خفى وش اللي صارلي
و ثالثا النتيجه لم ينجح احد

شكراً أخ تحالف كلك زوق على إختيارك للقصيده الجميله