السلام عليكم
كيفكم..انا بصراحه غبت عن المنتدى لفتره وحابه اطلبكم وتخدموني
ابغى منكم تجيبولي كلمات قويه عن الصد والجفا ..لو ممكن
لاهنتوا..وتسلمواااااااااااا..

هلا فيك .. وغلا إحساس إنثى

ولا يهمك .. غاليه والطلب رخيص

هذي الأبيات .. وإن شاء الله تعجبك :

قالوا علامك شايل الهم بهموم *** قلت اتركوني فاقد اليوم غالي

خيرك لغيري والشقا والعنا لي *** والمشكله ان عارف كل الاحوال

اعرف ترى معادلي رغبتن فيك *** عقب الغلا حبيت انا اليوم فرقاك

شفتك مع اللي صار عقبي حبيبك *** واحتارت الدمعه بعيني وصديت

خل الذي غير حنانك علينا *** يعطيك من قلبه ربع ماعطيناك

والله لدوس القلب وانتم تشوفون *** واصبر على فرقاه غصبن عليه

لا نويت الهجر روح واهجرني *** اخوي لا تصد عني ماترجيته

عقب الخيانه انتهت رغبتي فيك *** وان كنت تذكرنا ترانا نسيناك

والله ماتوقف الدنيا على شانك *** كم واحدٍ شاف في نفسه وخليته

ياقلب لا تَحزَن على امفارق إنســان *** واللَّــه ..مايِسْتَاهِلِك غير صــدري

والله اني كنت الوم اللي يضيق ان غاب خله *** لين جربت المحبه والفراق وقلت تووبه

لعنبو جد المفارق فيه هم وفيه ذله *** اثر كل الحب لذه والفراق اكبر عيووبه

لا تحسب الفرقا من المستحيلات *** بالعكس حقرانك ترى شي عادي

روح مع الايام حقق مانويت *** ماحسبت احساب صدك ورضاك

كان الحب اللي بقلبي مايحرك شعورك *** فرصه سعيده واعـتبرنا انتهينا

رح بحالك وانا بروح لا تمتحني *** فرح قلوب ناسن همهم يفرقونك

روحي بمان الله منتي مغصوبه *** من عافنا عفناه يا بنت الاجواد

انقلع عني وفارقني اها *** خلني اشوف غيرك يمال الذهاب

اجرحي لك الله مابقى حي ماخان *** حتى التراب اللي عايشا عليه خذلني

خــلاص صار بداخـل القلـب تغيـير *** واللي مضـى خله لك اليوم تذكار

للأسف كنتي زقاره تنتهي في كل مزه *** وانتهيتي ما طفيتي واختنق غيري وداسك

وشلون ابصبر كان شفتك مع الغير *** وانا الذي عليك من نفسي اغار

ماعـاد باقـي شـي بينـك وبينـي *** وانكان لك حاجـه تعـال اختصرهـا

وضعي تغير ماني الي تعرفين *** العام شي والسنه شي ثاني

ماعاد لك قيمة ولا شي ياهيه *** ارحل بعزة نفس قبل الأهانه

سبحان من خلاك عادي بعيني *** من عقب ماكنت تسوا نظرها

والله لو تطبق سماكم علي الارض *** ماأرجع لـ شرواك لوهو يبيني

خلك مع اللي صار كذبه يسليك *** باجر تشوف الفرق بيني وبينه

ادري انـك مـن نـصيـبي بالاحـــلام *** وانـــك لغـيري لابغــيت الحقـيقــه

رح للي خالك تاج راسه *** واعرف اني تاج راسك وراسه

صد بصد ولا حياة المذله *** يلعنك حبٍ يجعل الراس ينداس

اضحك حبيبي دام وقتك مسليك *** بكره تموت من القهر لانسيتك

كان الامل في شوفتك يوم فرقاك *** الله يجيب موادعك لجل اشوفك

فمان الله ياحب وقف ماكمل المشوار *** عرفنا مفرق الدربين ولا يحتاج تكميله

شفتك معه وصديت عنك واقفيت *** اخاف اموت من القهر في مكاني

لاعاد تذكرني ولا عاد انا اطريك *** خل الجفا والبعد مسك الختامي

ادري مع غيري تخونيني الحين *** وادري بعد ساعه تخونين غيري

عادي معك ابقى وعادي اخليك *** مثلك مثل غيرك مجرد صداقه

تكفون خلوه يزعل لاتراضونه *** والله ليبطي وهو ماجاه مرسالي

خل الصديق اللي غدر فيني يسليك *** واعرف ترا من خان لجلك يخونك

لا تنكسر عينك بيننا ما حصل شي *** بدري على العين لا تكسر نظرها

لا انتي ولا غيرك يقدر يبكيني *** ما ارجع ولا اخضع لو كان اللي كان
........................

طبعاً منقوله ..

دمتي بكل خير

تفضلي أختي الكريمة

صوت من أوراقي

أرهقتني متاعب الحياة !

فأنا أعيش الصبر بلا لحظات .. واسير الدرب بلا خطوات .. وأبكي بعين بلا عبرات .. وأملك قلباً بلا نبضات .. !

ياسيدتي !

ماالذي تجديه دموعي التي أذرفها أنهاراً في وقت يضيع .. في وقت لا يهتم فيه أحد بدموعي .. !

ماالذي تجديه المشاعر الدافقة في زمن يموت فيه الحب ويندثر فيه الاخلاص !

ماالذي تجديه طيبتي التي أتصف بها في زمن لا يعيش فيه الا حب الذات !

ماالذي تجديه مباديء أتمسك بها في زمن لا يعيش فيه محبوبين !

ماالذي تجديه كلماتي الصادقه التي تنبع من قلبي الذي لا يحمل كرهاً لأحد !

في زمن لا تصلح فيه الا كلمات الرياء المشبعة والمثقلة بالكذب والخداع والغدر!

لا أدري كيف أعبر عن جرحي وألمي الذي ألم بقلبي .. !

كيف بالدموع الجارية .. !

هل ستنفذ يوماً .. أم تجف .. !؟

هل ستندثر يوماً .. ولا يبقى لها أثر الا في منديلي الذي سيحمل آثارها !

كيف بالكلمات الحائرة .. !

هل ستطوي الأيام دفاتري .. وتصبح سطوري .. مسكناً لغبار الزمن الذي سيمحو حروفي الدامية .. !

هل سيبقى هناك صوت من أوراقي .. !

لا أدري كيف أعبر عنه وبماذا سأعبر عنه حتى أريح هذه النفس الحائرة !
__________________________________________________ ______
و أيضاً...........................

آه بس آه لو تدري

وينك يا بعد عمري غبت وقلبي ولهـــان

وينك يا بعد روحي غبت وقلبي خفقــان

آه بس آه لو تدري بغيابك ما كنت فرحان

آه بس آه لو تدري بغيابك كنت تعبــان

أطلب الله وأرتجـي ماتكون مني زعــلان

أطلب الله وأرتجـي ماتكون مني قهــران

اختي \أحساس أنثى

http://www.7c7.com/vb/imgcache/7e8c0ca8f8f981e884d646d6d3eb994c.gif

اهلاً بعودتك عزيزتيhttp://www.7c7.com/vb/images/smilies/cc.gif

يعطيكم العافيه أعضائنا المميزين في مساندت الأخت:36_3_11[1

غاليتي اذا تريدين كلمات بسيطه او مسجات

بإمكانك زياره قسم الأتصالات

ستجدين بإذن الله مسجات تسرك

سواء عن الصد او غيره

نسعد بمرورك في جميع انحاء الأقسام

دمتي بخير.