السلام عليكم ورحمة الله وبركاته


بعض عقلي .. و .. جنوني


لكم .. مع التحية



..






ماكل بسمه تبتهج منها الشفاه

0000000000 ولا كل دمعه تغسل احزان العيون



وما كل بيت ٍ تنبعث فيه الحياه

000000000 ولا كل حياة ٍ مترفه تمحي الغبون



هذي هي الدنيا على كل اتجاه

0000000000 تاخذ وتعطي الادمي من كل لون



والشعر حر وصيدته تعكس جزاه

000000 اما ينال الغاليه ولا يهـــــــــون



واليوم ما جيت الشعر أشري رضاه

00000000000 ولا رحت عنه وخاطري حزنه زبون


في داخلي من قدرة القادر صفاه

000000 نقشت فيها بعض عقلي والجنون


حيث القلوب المرهفه غير الطغاه

00000 والعشق ياهل العشق لو يجرح يمون


ما حدني طرق الشعر الا غلاه

000000 ولا ساق موتي غير تكفين الحنون


يوم الليالي إصعقتني في جفاه

000000 ماكنها الا بارق ٍ بين المزون



ماني مصدق واقعي يومه نهاه

000000 وانا اشوفه ينعش انفاس الدخون



كيف المدينه تحتمل غيبة ضياه

000000 واشجارها تاقف عقب موت الغصون



كيف الزهر يقوى فراقك يا شذاه

000000 كيف الطيور الشاديه تهجر لحون



كيف القلم والحرف يرثي مستواه

00000 لا صار فوق المستوى رمش الفتون



والله لولا الخوف من رب ٍ خذاه

00000 ما تهتني في لمة أحضانه كفون



صحيح كل اوصال / توديع ٍ قفاه

00000 وصحيح لو هونتها تصعب تهون



لكن عسى البسمه تسرك يا شفاه

000000 ودمع الغلا ما يفضح أحزان العيون





..



والسلامة والسعادة للجميع


أخوكم في الله

خالد بن سنيد الجابري الحربي